قواعد المرور في السعودية

قواعد المرور بالسعوديه


اخواني الأعزاء هاذي قواعد القياده في السعوديه فكاهي جدا جدا جدا جدا جدا ان شاء الله تعجبكم؟


اشارات المرورماوضعت إلا لكي تقطع ! وإلا فماذا سيقطع الناس لو لم توجد إشارات المرور ؟


1.الأفضلية دائما للسيارة الأكبر حجما، فكلما كبر حجم سيارتك كلما كانت لك الأفضلية في فعل ما تشاء.

2. عند الدوارات أو التقاطعات فإن الأفضلية لمن يدخل مقدمة سيارته أولا.

3. استح على وجهك وخلك رجال ولا تربط حزام الأمان لا يضحكون عليك الناس ويقولون مصدق نفسه !!

4. اسقط من اليمين ومن اليسار وماعليك من أحد..

5. السرعة القصوى في الشوارع، هذي ماوضعت لك هذي وضعت للي سياراتهم ما تقدر تسرع .. أما انت فادعس بنزين لين الآخر

6. الحين من قالك ان أعلى سرعة تقدر توصلها هي 120 ؟ يعني اليابانين والامريكين والألمان يتعبون أنفسهم ويحطون سيارات بسرعة 200 و220 ليه ؟ بتصير أحسن منهم ؟

7. لا تدق إشارة قبل ماتلف .. ترا مايدق إشارة إلا الخوافين والسواقين بس !

8. امسك المسار الأيسر .. واللي يرفض انه يفتح لك لزق صدامك بصدامه .. لين يخاف ويفتح.

9.المراية اللي قدامك ما وضعت إلا علشان تشخص فيها.. وماله داعي انك تناظر فيها اللي وراك.

10.إذا كنت مروق ذاك اليوم .. امسك المسار الأيسر وامش 80 واللي مو عاجبة يشرب من البحر.

11.خط المشاة ؟!!! وش هو خط المشاة ؟ أصلا وشوله يمشون ؟ مافيه ليموزينات ؟

12. ترا اللي خططوا المسارات ماعندهم سالفة.. فإنت امش في الشارع بالشكل اللي تبيه.. لو في النص بين مسارين.. أهم شيء ما يتعكر مزاجك

13. إشارة "قف" !!!!! أقول تراكم مصدقين انفسكم من جد !

14. اثنين احذر منهم .. خط البلدة .. والليموزين. فعندهم القدرة العجيبة على نقل سرعة السيارة من 120 إلى صفر في خلال ثانية وذلك اذا شافوا زبون واقف على الشارع ويأشر لهم !

15.أهم حاجة انك تكون مثقف، فما فيه أي مانع انك تقرأ جريدة أو أي ورقة وأنت تسوق.. أحسن من انك تطالع الأزفلت الأسود !!